Fregnir frá Hollywood herma að viðræður standi yfir við Baltasar Kormák um að hann taki að sér að leikstýra kvikmyndinni Reykjavík, en í henni verður fjallað um leiðtogafundinn í Reykjavík 1986. Þá hefur Michael Douglas verið orðaður við hlutverk Ronald Reagan.
Frá þessu er greint á fréttavef Variety. Þar segir einnig að Baltasar sé um þessar mundir einn heitasti leikstjórinn í Hollywood.
Ekkert hefur verið gefið út um það hver komi til með að leika Mikhail Gorbatsjof.