Leikarinn George Clooney og lögmaðurinn og unnusta hans Amal Alamuddin ætla að gifta í september á þessu ári, samkvæmt heimildum.
Clooney, sem er 53 ára gamall, og lögmaðurinn, sem er 36 ára gömul, eru sögð ætla að senda gestum boðskort með dagsetningu brúðkaupsins á næstunni.
„12. september er dagurinn sem þau eru að stefna að,“ sagði náin vinur Alamuddin, samkvæmt heimildum MailOnline.
Talið er líklegt að parið muni láta pússa sig saman á Lake Como, sem er uppáhaldsstaður leikarans, en þar á Clooney villu, sem meðal annars var notuð við tökur á kvikmyndinni Ocean‘s Twelve.
En heimildarmaðurinn sagði að mögulegt væri að athöfnin færi ekki fram þar.
„Allir halda að þau muni gifta sig í Lake Como þar sem Clooney á fallegt heimili, en Alamuddin finnst það of opinbert. Þau vilja vera með lítið brúðkaup í ítölsku þorpi þar sem þau geta haft stjórn á ljósmyndurunum. Þau eru samt ekki búin að ákveða neitt ennþá,“ sagði heimildarmaðurinn.