Dauði bandaríska leikarans Robins Williams fékk fólk alls staðar í heiminum til þess að fara inn á Google og leita upplýsinga um líf hans og ævi. Williams var vinsælastur allra í leitarvél Google þetta árið.

Fráfall grínistans og leikarans kom mörgum á óvart og að sögn aðstoðarforstjóra Google, Amit Singhal, leituðu margir á náðir Google varðandi upplýsingar um hann. Eins fjölgaði þeim verulega sem leituðu á Google að ýmiskonar sjálfshjálparprófum, svo sem varðandi geðheilsu og þunglyndi, í kjölfarið. 

Williams fannst látinn á heimili sínu þann 11. ágúst sl. Hann framdi sjálfsvíg með því að hengja sig. Við réttarmeinarannsókn kom í ljós að hann hafði áður reynt að skera sig á púls skömmu áður. Williams, sem glímdi við þunglyndi, hafði skömmu áður verið greindur með Parikinson sjúkdóminn.

HM í knattspyrnu er í öðru sæti listans yfir það sem var vinsælast á Google í ár. Ekki síst bit Luis Suarez og ótrúleg knattsnilli Tim Howards í leik Belgíu gegn Þýskalandi. 

Ebóla og hörmungar tengdar Malaysia Airlines voru meðal þess sem fólk hafði áhuga á. Eins ísfötuáskorunin til styrktar baráttunni við Lou Gehrigs sjúkdóminn.

Tengdar fréttir

Robin Williams

Fær ekki að vera eina „drottning jólanna“

• Ráðlagt að sofa ekki í sama rúmi
• Deila jafnvel um Óskarsstyttuna
• Vilja öll fá eigur Williams
• Tilgangslaust að spyrja „Af hverju?“

» Fleiri tengdar fréttir

• Blogga um frétt