„Hann borðaði sjö kjúklinga“
Setja bókamerki
Leikarinn Peter Dinklage var gestur Jon Stewart í spjallþætti þess síðarnefnda í gær. Ræddu þeir nýjustu þáttaröð Game of Thrones þar sem Dinklage leikur eina vinsælustu persónuna, Tyrion Lannister og bar þar meðal annars kraftakarlinn Hafþór Júlíus Björnsson á góma en hann leikur Fjallið í þáttunum.
„Ég fékk að borða með honum eitt kvöld í Króatíu. Hann pantaði sjö kjúklinga. Hann borðaði sjö kjúklinga, grillaða kjúklinga,“ sagði Dinklage sem hló og jánkaði þegar Stewart spurði hvort þeir hefðu sumsé verið eldaðir.
„[Hann er] ótrúlega ljúfur náungi, risavaxinn. Hann lyftir grjóti,“ sagði Dinklage.
Stewart rifjaði upp met Hafþórs í að bera trjábol og spurði hvort hann lyfti hlutum á tökustað upp eins og hann væri persóna í Flintstones teiknimynd og svaraði Dinklage að hann teldi að til þess þyrfti að borga Hafþóri sérstaklega fyrir. „Hann er örugglega kominn með ógeð á að gera það fyrir vini sína.“
Íslendingar ein mest einmana þjóð heims
Baldur: „Ég ætla að svara þessu kalli“
Átta morðmál á aðeins tólf mánuðum
Segir nýtt frumvarp gefa eldisfyrirtækjum auðlindir
Hönnun sem bætir líf manna
Búið að bólusetja börn alla helgina
Myndir: Reynir við heimsmet í Hlíðarfjalli í dag