Það hefur verið í nógu að snúast hjá Baltasar Kormáki leikstjóra sem fylgir nú nýjustu mynd sinni Everest úr hlaði. Í gærkvöldi var hann viðstaddur frumsýningu myndarinnar í Kaupmannahöfn sem hefur hlotið glimrandi dóma í dönskum fjölmiðlum. Baltasar hélt heim á leið í morgunsárið og var í hádeginu í dag mættur í Norræna húsið þar sem RIFF kvikmyndahátíð og Reykjavíkurborg standa að stuttmyndanámskeiðinu Stelpur filma.

Námskeiðið, sem er eingöngu ætlað stelpum, miðar að því efla og styðja við hlut kvenna í kvikmyndagerð. Baltasar var vel tekið af yfir 60 stúlkum sem sitja námskeiðið en fékk líka að svara nokkrum krefjandi spurningum eins og hvort nýjasta mynd hans Everest stæðist Bechdel-prófið. Bechdel-prófið er víðtekið próf innan kvikmyndagerðarinnar til að leggja mat á hvort myndir teljist karllægar eða ekki. Baltasar mun svo í kvöld verða viðstaddur sérstaka frumsýningu Everest hér á Íslandi.  

Glæsilegur hópur.

Stemning í hópnum.

Tengdar fréttir

Everest kvikmyndin

Beint: Kemst Ísland alla leið?

• „Ég strunsaði að minnsta kosti ekki út úr Eurovision“
• Fjögur lík og tíu tonn af rusli
• Heilinn erfiðar á Everest
• Everest stefnir á toppinn

» Fleiri tengdar fréttir

• Blogga um frétt