Undanfarið hafa slúðurmiðlar vestanhafs farið mikinn vegna meints sambands söngvarans Justin Bieber og raunveruleikastjörnunnar Kourtney Kardashian.

Skötuhjúin gerðu sér glaðan dag í október, en sjónarvottar sögðu að neistar hefðu flogið á milli þeirra.

Á föstudaginn sást svo aftur til þeirra þar sem þau snæddu kvöldverð á ítölskum veitingarstað áður en þau skelltu sér út á lífið. Kardashian sást síðan yfirgefa hótel, sem Bieber er þekktur fyrir að gista á, undir morgun.

Nú hafa ónefndir talsmenn tímaritsins Us Weekly staðfest orðróminn, en þeir segja að ekki fari á milli mála að skötuhjúin séu að slá sér upp.

„Það fer ekki á milli mála, en þetta hefur staðið yfir í nokkurn tíma. Í hvert sinn sem Kourtney og Justin hittast daðra þau mikið, síðan senda þau hvort öðru skilaboð í tíma og ótíma.“

Annar heimildarmaður hélt því fram að söngvarinn hefði stært sig af því að hafa unnið hylli elstu Kardashian systurinnar við félaga sína.

„Justin montaði sig af því við vini sína að hann hefði verið að hitta Kourtney Kardashian.“

Kardashian sleit níu ára sambandi sínu við Scott Disick fyrr á árinu, eins og frægt er orðið, en saman eiga þau þrjú börn.

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt