Myndband sem sýnir barnahóp í konunglegu teboði hefur vakið mikla lukku í Svíþjóð.

Madeleine prinsessa og tveggja ára dóttir hennar, Leonore prinsessa, stóðu fyrir veislunni í konungshöllinni í Stokkhólmi fyrir hönd góðgerðarfélagsins Min Stora Dag.

Madeleine er einn verndara félagsins sem hefur að yfirlýstu markmiði að láta bæði minni og stærri drauma langveikra barna rætast.

12 börn á aldrinum fimm til átta ára fengu boð í höllina til að njóta þess að vera prinsar og prinsessur í einn dag. Madeleine skartaði sínu fínasta pússi, íklædd sama kjól og hún klæddist á Nóbelsverðlaununum í nóvember og að sjálfsögðu fylgdi kórónan með.

„Við Leonore áttum yndislegan eftirmiðdag,“ skrifaði hún á Facebook eftir viðburðinn. 

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt