Alicia Vikander fékk sín fyrstu Óskarsverðlaun í nótt fyrir leik í kvikmyndinni The Danish Girl. Leikkonan þusti á svið til að taka á móti styttunni og þakkaði pent fyrir sig en athygli vakti að hún minntist ekki einu orði á kærastann, leikarann Michael Fassbender.

Vikander og Fassbender hafa farið sérlega leynt með samband sitt, en þau hafa verið að stinga saman nefjum í tæpt ár. Þau stóðust þó ekki mátið í gær þegar Fassbender smellti rembingskossi á Vikander áður en hún hélt upp á svið til að sækja gripinn.

Margir bjuggust því við að leikkonan myndi minnast á Fassbender í þakkarræðu sinni, en þegar upp var komið þakkaði hún meðleikurum, samstarfsfólki sem og leikstjóra kvikmyndarinnar. Þá lét hún einnig nokkur vel valin orð falla um foreldra sína sem hún segir hafa staðið við bakið á sér og að lokum klykkti hún út á sænsku, þegar hún þakkað öllum vinum sínum í Svíþjóð kærlega fyrir.

Tengdar fréttir

Óskarsverðlaunin

Gosling líkt við Marilyn Monroe

• Sýna ógnvekjandi hversdagsleika nasista
• Stórstjörnurnar mættu með eins fylgihlut
• Mættu í Óskarspartí þremur mánuðum eftir skilnaðarfréttir
• Huldi það allra heilagasta með umslagi

» Fleiri tengdar fréttir

• Blogga um frétt