Amber Heard, sem á dögunum sótti um skilnað við leikarann Johnny Depp, var eitt sinn handtekin fyrir meint heimilisofbeldi en hún er sögð hafa veist að fyrrverandi ástkonu sinni, Tasyu van Ree.

Vefmiðillinn TMZ greinir frá því að Heard og van Ree hafi sinnast 14. september 2009, þar sem þær voru staddar á flugvelli í Seattle. Þá á Heard að hafa gripið í handlegg van Ree og slegið til hennar. Leikkonan var í kjölfarið færð á lögreglustöð og þurfti hún að mæta fyrir rétt degi síðar. Þar var síðan tekin ákvörðun um að halda málinu ekki til streitu.

Heard og Depp standa um þessar mundir í hatrömmum skilnaði, en Heard hefur sakað leikarann um að hafa beitt sig líkamlegu og andlegu ofbeldi um árabil. Þá fór leikkonan fram á að fá tímabundið nálgunarbann dæmt á leikarann, sem dómstóll síðan staðfesti.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt