Veröld/Fólk | mbl | 21.6.2016 | 20:59

Eftirminnilegustu hárgreiðslurnar á EM

Mynd 1 af 14 Marouane Fellaini, miðjumaður Belgíu og Manchester United, er orðinn táknmynd skemmtilegra hárgreiðslna. Nú hefur hann litað lokkana ljósa. AFP

Mynd 2 af 14 Gareth Bale, leikmaður Wales, mætti til leiks með hipster-bun. AFP

Mynd 3 af 14 Aaron Ramsey liðsfélagi Bales hjá velska landsliðinu ákvað að lita hárið á sér fyrir stórmótið, líkt og margir ungir peyjar gerðu fyrir Shellmótið fyrir mörgum árum síðan. AFP

Mynd 4 af 14 Marek Hamsik er einn mikilvægasti hlekkurinn í slóvakíska liðinu. Það sést á hárgreiðslunni. AFP

Mynd 5 af 14 Stephan El Shaarawy, kantmaður Ítalíu, hefur verið með þessa greiðslu í nokkur ár. Hví breyta sigurformúlu? AFP

Mynd 6 af 14 David Alaba, leikmaður Bayern Munchen og þýska landsliðsins, hefur líkt og Fellaini litað krullurnar fyrir mótið. AFP

Mynd 7 af 14 Roman Zozulya leikmaður Úkraínu vinnur með sinn eigin stíl. AFP

Mynd 8 af 14 Radja Nainggolan reynir að vera eins ólíkur liðsfélaganum hjá belgíska landsliðinu Marouane Fellaini og mætir til leiks með ljósann hanakamb. AFP

Mynd 9 af 14 Rússneski leikmaðurinn Dmitri Torbinski minnir okkur á að það einfalda er oft það besta. AFP

Mynd 10 af 14 Stephen Quinn fer fyrir sínum mönnum í írska liðinu. Klippingin er eins og á sönnum töffara sæmir og tónar vel við skeggið. AFP

Mynd 11 af 14 Það er hægt að spila knattspyrnu vatnsgreiddur, og þykir það almennt ekki fréttnæmt. Graziano Pelle hins vegar er svo óaðfinnanlegur þegar hann vatnsgreiðir sig, að það er ekki hægt annað en að hafa hann á þessum lista. AFP

Mynd 12 af 14 Joe Allen miðjumaður Wales hefur stundum verið kallaður „Velski Xavi.“ Það er spurning hvort hann sé að reyna að vera spænskari í útliti með þessum síðu lokkum sínum. AFP

Mynd 13 af 14 Julian Baumgartlinger hjá austurríska landsliðinu frelsar krullurnar á Evrópumótinu. AFP

Mynd 14 af 14 Paul Pogba lét raka á sig textann: PogBoom! AFP

Evrópumótið í knattspyrnu stendur nú sem hæst og koma þar saman mörg hundruð leikmenn frá fjölmörgum Evrópuþjóðum. Mbl.is hefur af því tilefni tekið saman lista yfir eftirminnilegustu hárgreiðslurnar á leikmönnum mótsins.

Hanakambar, hipster-bun, síðir lokkar og strípur. Allir ættu að finna eitthvað við sitt hæfi á listanum.