Justin Bieber tekur sér ekki frí þótt hann kvefist, heldur harkar bara af sér á tónleikum. Það kom sér fremur illa á dögunum þegar kappinn hnerraði duglega þar sem hann var að syngja lagið „What do You Mean“, en finnskir tónleikagestir á fremstu röð fengu yfir sig stærðarinnar slummu.

Að sjálfsögðu var atvikið fest á filmu, en skömmu síðar rataði það svo á netið.

Myndbandið virðist einnig staðfesta þann grun að söngvarin syngi ekki öll lög sín á tónleikum, heldur hreyfi gjarnan varirnar í takt við undirspil. En eins og sjá má tók hann sér pásu frá söngnum, svona rétt á meðan hann var að jafna sig á hnerranum, þó það virðist ekki hafa komið að sök.

Ungstirnið hefur verið töluvert í sviðsljósinu undanfarið, en á dögunum var greint frá því að hann hefði sagt aðdáanda sínum að hann væri glataður, seinna steig þó aðdáandinn fram og lýsti því yfir að stjarnan hefði einungis verið að grínast. 

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt