Jolie einnig rannsökuð

Barnaverndaryfirvöld eru sögð vera að rannsaka Brad Pitt og Angelina …
Barnaverndaryfirvöld eru sögð vera að rannsaka Brad Pitt og Angelina Jolie. AFP

Greint hefur verið frá því að rannsókn barnaverndaryfirvalda á Brad Pitt hafi verið víkkuð út og nú sé einnig verið að rannsaka Angelinu Jolie.

Brad Pitt var sagður hafa látið öllum illum látum í einkaþotu þeirra hjóna, en hann var jafnframt sagður hafa veist að 15 ára syni sínum, Maddox. Alríkislögreglan var einnig með málið til skoðunar þar sem atvikið átti sér stað í flugvél.

Samkvæmt frétt slúðurmiðilsins TMZ er nú verið að skoða önnur atvik sem áttu sér stað á milli Jolie og Pitt, sem börn þeirra urðu vitni að. Miðillinn heldur því fram að barnaverndaryfirvöld hafi ákveðið að víkka út rannsóknina eftir að hafa tekið nokkur viðtöl við fjölskyldumeðlimi.

Heimildarmenn miðilsins halda því enn fremur fram að börnin séu vör um sig í kringum Pitt, og að Maddox vilji ekki vera í kringum föður sinn. Þá var greint frá því að fundur Maddox og Pitt, sem fram fór í síðustu viku, hefði verið stuttur að ósk drengsins.

Heimildarmenn TMZ vilja ekki gefa upp hvort nefndin hafi undir höndum upplýsingar sem muni hafa áhrif á hver fer með forræði barnanna.

Jolie sótti um forræði yfir börnunum sex en hún vill að Pitt fái umgengnisrétt.

mbl.is
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler