Ungstirnið Justin Bieber lét auglýsa eftir föngulegum stúlkum til þess að veita honum félagsskap eftir tónleika hans í Prag á laugardaginn.

Samkvæmt frétt Daily Mail birtist auglýsingin á samfélagsmiðlum, en það var fyrirsætuskrifstofa þar í borg sem sá um framkvæmdina.

Upphaflega var óskað eftir átta stúlkum sem áttu að slást í hópinn með Bieber, en hann ætlaði að gera sér glaðan dag í borginni.

„Óskað er eftir átta fallegum stelpum fyrir kvöldverð og partí með Justin B. í Prag. Starfið er ekki borgað. Ef þið hafði áhuga sendið mér skilaboð fljótt. Ég mun láta þær útvöldu vita hvar þær eiga að mæta. Þið þurfið að vera mættar eftir klukkutíma, haga ykkur vel og tala ensku,“ sagði í auglýsingunni.

Samkvæmt frétt Daily Mail vörðu tvær stúlknanna sem fóru á fund Biebers ákvörðun sína á samfélagsmiðlum, og sögðu að söngvarann hafi einfaldlega vantað félagsskap.

Þá greindi ein stúlkan frá því að þeim væri ekki heimilt að tala um það sem fram fór þeirra á milli, en bætti þó við að það væri ekki það sem fólk héldi.

„Þið haldið að hann hafi valið stúlkurnar til þess að njóta kvöldsins með þeim, en hann vildi fremur skemmta öðrum. Hann talaði við okkur líkt og venjuleg manneskja myndi gera.“

Önnur stúlka greindi frá því á samfélagsmiðlum að ekkert ósmekklegt hefði farið fram, en málið vakti nokkra athygli í tékkneskum fjölmiðlum og fékk hún í kjölfarið yfir sig flóð af skilaboðum og spurningum.

„Ég starfa ekki sem fylgdardama og ég stunda ekki kynlíf gegn greiðslu,“ skrifaði hún á Facebook-síðu sína.

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt