Fjölmiðlar hafa farið mikinn undanfarið, enda hafa margir velt því fyrir sér hvort elsta Kardashian systirin, Kourtney, sé með barni.
Frétt mbl.is: Var hún að staðfesta orðróminn?
Ef marka má atburði helgarinnar verður að teljast ólíklegt að svo sé, enda skellti raunveruleikastjarnan sér út á lífið með ungstirninu Justin Bieber, en þau voru talin vera að slá sér upp á síðasta ári.
Samkvæmt frétt Daily Mail var barnsfaðir Kardashian, Scott Disick, staddur með Kim Kardashian í Dubai. Hann lét sig þó hverfa á föstudaginn og svaraði ekki í símann.
„Enginn vissi hvar hann var. Hann átti að vera þarna til þess að passa upp á Kim, en enginn gat fundið hann,“ er haft eftir ónafngreindum heimildarmanni.
Þegar Kardashian náði loks í Disick á hann síðan að hafa sagt henni að hún ætti augljóslega erfitt með að treysta honum. Kardashian ákvað því einfaldlega að skella sér út á lífið með Bieber daginn eftir.
Kardashian og Disick slitu sambandi sínu árið 2015 eftir að upp komst um hjúskaparbrot Disicks, þá höfðu þau verið saman í níu ár. Þau voru síðan talin hafa endurvakið sambandið á ný í byrjun desember á síðasta ári.
Frétt mbl.is: Kourtney og Scott aftur í eina sæng