Dr. Harold Bornstein, læknir Donald Trumps, hefur opinberað hvert leyndarmálið á bak við ljónsmakkann umtalaða er.
Samkvæmt Bornstein tekur Trump lyf sem inniheldur virka efnið finasteride, en það er bæði notað við blettaskalla hjá karlmönnum, sem og góðkynja vexti í blöðruhálskirtli.
„Hann er enn með allt sitt hár og ég er með allt mitt hár,“ sagði læknirinn í viðtali við The New York Times, en sjálfur tekur hann lyfið til að halda axlasíðu hári sínu í góðu standi.
Lyfið kemur í veg fyrir að testósterón ummyndist í hormón sem nefnist DHT (e. dihydrotestosterone), en það orsakar skalla hjá karlmönnum.