Þátttaka Rússa í Eurovision í uppnámi

Samoilova fær ekki að taka þátt í Eurovision.
Samoilova fær ekki að taka þátt í Eurovision. Ljósmynd/Skjáskot af Youtube

Úkraínsk yfirvöld hafa bannað rússnesku söngkonunni Juliu Samoilova að taka þátt í Eurovision í Kænugarði í maí vegna „ólöglegrar“ heimsóknar hennar til Krímskaga árið 2015.

Ákvörðunin var tilkynnt í dag. Samoilova, sem er 27 ára, kom fram á tónleikum á Krímskaga fyrir tveimur árum án þess að fara í gegnum hefðbundið vegabréfaeftirlit.

Stjórnvöld í Úkraínu hafa sett að minnsta kosti 140 rússneska listamenn á svartan lista eftir að átökin um Krímskaga hófust árið 2014.

Rússnesk stjórnvöld hafa tjáð sig um ákvörðun Úkraínu og kalla hana „svívirðilega“.

Í sam­tali við AFP fyrr í mánuðinum sagðist söngkonan ekki búast við því að henni yrði bannað að koma til Úkraínu.„Ég veit það ekki. Ég held að þetta sé ekk­ert vanda­mál,“ sagði Samoi­lova. „Þetta verður að koma í ljós.“

mbl.is

Bloggað um fréttina

Stjörnuspá »

Hrútur

Sign icon Þótt öllum líki ekki málflutningur þinn þýðir það ekki að þú eigir að þegja. Sambönd sem ganga vel og ánægjulega með lítilli fyrirhöfn geta orðið eins og sjálfsagður hlutur.

Stjörnuspá »

Hrútur

Sign icon Þótt öllum líki ekki málflutningur þinn þýðir það ekki að þú eigir að þegja. Sambönd sem ganga vel og ánægjulega með lítilli fyrirhöfn geta orðið eins og sjálfsagður hlutur.