Raunveruleikastjarnan Kris Jenner er sögð hafa slitið sambandi sínu við Corey Gamble, en þau byrjuðu að stinga saman nefjum árið 2014. Talsverður aldursmunur er á Jenner og Gamble, raunveruleikastjarnan er 61 árs en Gamble 33 ára.
Heimildamaður vefmiðilsins Mirror segir að Jenner vilji einbeita sér að fjölskyldu sinni, og raunveruleikaþætti þeirra, og hafi hún því ákveðið að slíta sambandinu.
Parið byrjaði að stinga saman nefjum árið 2014 þegar raunveruleikastjarnan skildi við þáverandi eiginmann sinn og barnsföður, Bruce Jenner. Bruce hóf stuttu síðar kynleiðréttingarferli og heitir í dag Caitlyn Jenner.