David Schwimmer og frú taka „pásu“

Leikarinn David Schwimmer, sem líklegast er þekktastur fyrir að hafa leikið hinn vinalega Ross í gamanþáttunum Friends, og eiginkona hans, Zoe Buckman, hafa ákveðið að taka sér pásu frá sambandinu.

„Með mikilli umhyggju, virðingu og vináttu höfum við ákveðið að taka okkur pásu á meðan við veltum fyrir okkur framtíð sambandsins,“ segir í orðsendingu frá hjónunum sem birtist á vef Us Weekly.

Schwimmer og Buckman hafa verið gift í tæp sjö ár og eiga saman dótturina Cleo, sem kom í heiminn árið 2011.

Þeir sem horft hafa á Friends muna eflaust eftir pásunni frægu sem Ross og Rachel tóku sér, og því líklegt að gárungar í netheimum eigi eftir að gera óspart grín að hjónakornunum Schwimmer og Buckman.

• Blogga um frétt