Amy Schumer hætt með kærastanum

Leikkonan Amy Schumer er á fullu að kynna mynd sína Snatched en Ben Hanisch hefur verið hvergi sjáanlegur. Ástæðan mun vera sú að kærustuparið er hætt saman. 

„Eftir að hafa hugsað vel út í það hafa Amy og Ben bundið enda á samband sitt og þau eru enn vinir,“ sagði talsmaður Schumer við E! news. Ekki er vitað hver ástæða sambandslitanna er en parið hefur ekki sést saman síðan í janúar. 

Schumer hefur oft talað um Hanisch sem er húsgagnahönnuður í fjölmiðlum. „Mér líður eins og Ben sé fyrsti maðurinn sem hefur virkilega verið kærastinn minn,“ sagði leikkonan í viðtali við Marie Claire á síðasta ári. 

• Blogga um frétt