Bandaríski tónlistarmaðurinn Chris Cornell er látinn, 52 ár að aldri. Cornell er þekktastur fyrir að hafa verið söngvari og lagasmiður í rokkhljómsveitunum Soundgarden og Audioslave. Hann hefur haldið tvenna tónleika á Íslandi, síðast í Eldborg í Hörpu í fyrra.
Hann söng einnig aðallagið í Bond-myndinni Casino Royale, frá árinu 2006, og gerði það ennfremur gott sem sólólistamaður.
Fjölmiðlafulltrúi tónlistarmannsins, Brian Bumbery, greindi frá þessu í yfirlýsingu. Hann segir að Cornell, sem fæddist 20. júlí árið 1964, hafi látist í Detroit í gærkvöldi. Hann var á tónleikaferðalagi um Bandaríkin þegar hann féll frá.
Bumbery segir að Cornell hafi verið bráðkvaddur og þetta hafi komið öllum á óvart, eiginkona hans og fjölskylda sé í áfalli.
Dánarorsökin liggur ekki fyrir, að því er fram kemur í frétt á vef Guardian.