Slavko Kelzić tók þátt í Eurovision í ár fyrir hönd Svartfjallalands en komst nú ekki langt í keppninni heldur hafnaði hann í 16. sæti af 18 í fyrri undankeppninni. Nú hefur Kelzić hins vegar hlotið hin vafasömu Barbara Dex-verðlaun en þau heiðra þá sem þóttu vera í verstu búningunum í Eurovision.

Belgíska heimasíðan Songfestival.be sér um kosninguna og heita verðlaunin eftir hinni belgísku Barbara Dex sem tók þátt í Eurovision fyrir Belga árið 1993. Kjóll Dex vakti mikla athygli og þótti frekar ljótur samkvæmt frétt ESCToday.

Verðlaunin hafa verið veitt á hverju ári frá árinu 1997 og nú hlaut Kelzić þau eins og fyrr segir. Hann vakti svo sannarlega athygli í keppninni, þá aðallega fyrir fléttuna góðu sem hann skartaði en einnig fyrir búninginn og svo þótti myndbandið við lag hans mjög sérstakt.

Í öðru sæti var hin lettneska Triana Park og í því þriðja var fulltrúi Tékka, Martina Bárta.

Hér að neðan má sjá Kelzić flytja lag sitt Space. 

Búningur Triana Park var frekar umdeildur. AFP

Martina Barta var fulltrúi Tékka í Eurovision. AFP

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt