Beyoncé birtir mynd af tvíburunum

Bandaríska söngkonan Beyoncé Knowles hefur birt fyrstu myndina af tvíburum sínum og rapparans Jay-Z, í tilefni þess að mánuður er liðinn frá fæðingu þeirra. Deildi hún myndinni á Instagram-síðu sinni fyrir þremur klukkustundum, en þegar hafa þrjár milljónir líkað við myndina.

BBC greinir frá þessu.

Á myndinni má sjá Beyoncé sjálfa með tvíburana í fanginu, umvafða blómum. Undir hana skrifaði hún: „Sir Carter og Rumi eins mánaðar í dag.“

Þar með staðfesti söngkonan sögusagnir um nöfnin, sem fóru á kreik eftir að hjónin sóttu um höfundarrétt á nöfnunum tveimur. Tryggðu þau þannig að enginn annar gæti hagnast á nöfnunum.

Fyrir eiga hjónin dótturina Blue Ivy, sem er fimm ára.

Beyonce til­kynnti óléttu sína á In­sta­gram í fe­brú­ar, sem varð strax líkaðasta mynd á sam­fé­lags­miðlin­um.

Beyoncé eignaðist tvíbura um miðjan júní. mbl

• Blogga um frétt