Áríð 2016 var gott ár hjá söngkonunni Beyoncé en samkvæm Billboard-listanum var hún langlaunahæst. Hún þénaði rúman sex og hálfan milljarð á tónlist sinni.
Poppdrottningin gaf út plötuna Lemonade í fyrra og græddi 4,3 milljónir dollara á sölu tónlistar sinnar, 1,3 milljónir dollara vegna útgáfu og 1,9 milljónir dollara á streymisveitum. Langmest græddi hún á tónleikaferðalagi sínu, Formation World Tour, eða 54,7 milljónir dollara, samtals eru þetta 62,1 milljón dollara eða rúmur sex og hálfur milljarður íslenskra króna.
Á eftir Beyoncé komu Guns N' Roses með tæpa fjóra og hálfan milljarð en rétt á eftir þeim kom Bruce Springsteen.