Óskarsverðlaunaleikkonan Halle Berry hefur ekki alltaf búið í flottu húsi í Hollywood. En þegar hún var 21 árs og vann að því að koma sér á framfæri hélt hún til í gistiskýli fyrir heimilislausa í New York.
Berry sem hafði unnið sér inn pening fyrir fyrirsætustörf flutti til New York til þess að koma sér á framfæri. Eftir þrjá mánuði voru hinsvegar peningarnir búnir. „Ég hringdi í móður mína og bað hana um að senda mér peninga og hún sagði nei,“ sagði Berry samkvæmt Hello.