Bandarískur dómari hefur vísað frá kæru plötusnúðs á hendur poppstjörnunni Taylor Swift um að hún hafi orðið til þess að hann var rekinn úr starfi sínu.
Réttarhöld standa enn yfir vegna ásakana Swift um að plötusnúðurinn hafi brotið gegn henni kynferðislega.
Dómarinn sagði að plötusnúðurinn David Mueller hefði frekar átt að höfða málið gegn útvarpsstöðinni sem rak hann en ekki Swift.
Poppstjarnan brást vel við frávísun dómarans og faðmaði lögfræðiteymi sitt.
Að sögn dómarans, William Martinez, munu átta kviðdómendur taka ákvörðun um hvort plötusnúðurinn hafi gripið í rass Swift.
Einnig munu kviðdómendur skoða hvort ásakanir Muellers um að móðir Swift og umboðsmaður hafi átt þátt brottrekstri hans.
Judge throws out DJ's case against Taylor Swift https://t.co/ZSt7W5eCd9 pic.twitter.com/BwK7pB64ST
— Hollywood Reporter (@THR) August 12, 2017