Væru ekki saman ef þau hefðu gifst

Spjallþáttadrottningin Oprah Winfrey heldur því fram að samband sitt við Stedman Graham hefði ekki enst eins lengi og það hefur gert ef þau hefðu gengið í hjónaband. En Winfrey og Graham hafa verið saman í 31 ár. 

Winfrey segir að hún hafi einu sinni spurt Graham að því hvað hefði gerist ef þú hefðu gengið í hjónaband. „Við værum ekki saman,“ sagði Graham. Parið var trúlofað tímabundið árið 1992. Í samtali við Vogue segir Winfrey að hjónaband krefjist annars konar hugsunar. 

Winfrey segir túlkun Grahams á því hvað það þýði að vera eiginmaður og eiginkona hefði verið of hefðbundið. „Og ég hefði ekki getað passað inn í það,“ segir spjallþáttadrottningin. 

• Blogga um frétt