Söngkonan Fergie og Transformers-leikarinn Josh Duhamel eru skilin eftir átta ára hjónband. Þetta staðfestu þau við People.
Fergie og Duhamel byrjuðu að hittast árið 2004 og trúlofuðu sig árið 2007, saman eiga þau soninn Axl sem er fjögurra ára. Í janúar á þessu ári fögnuðu þau átta ára brúðkaupsafmæli með því að birta myndir á Instagram og virtist allt í himnalagi.
Í sameiginlegri yfirlýsingu þeirra segjast þau hafa skilið sem par fyrr á þess á ári en héldu því leyndu til þess að leyfa fjölskyldu og vinum að aðlagast breyttum aðstæðum.
Samkvæmt heimildum E! Online virtist skilnaðurinn ekki koma vinum þeirra á óvart. Þeir sem þekkja til segja þau vera mjög ólík. Á meðan Josh Duhamel sé niðri á jörðinni og reyni að lifa eðlilegu lífi þá er Fergie gríðarlega upptekin af tónlistarferli sínum.