Fimmtán ólíkar bækur tilnefndar
Setja bókamerki
Tilnefningar til Íslensku bókmenntaverðlaunanna 2017 voru kynntar í 29. sinn við hátíðlega athöfn á Kjarvalsstöðum nú á sjötta tímanum. Tilnefnt er í flokki barna- og ungmennabóka, fræðibóka og rita almenns efnis og fagurbókmennta, en fimm bækur eru tilnefndar í hverjum flokki.
Formenn dómnefndanna þriggja, sem valið hafa tilnefningarnar, munu í framhaldinu koma saman ásamt forsetaskipuðum formanni og velja einn verðlaunahafa úr hverjum flokki. Verðlaunaupphæðin er ein milljón króna fyrir hvert verðlaunaverk. Íslensku bókmenntaverðlaunin 2017 verða afhent á Bessastöðum um mánaðamótin janúar-febrúar á komandi ári af forseta Íslands, Guðna Th. Jóhannessyni.
Tilnefningar í flokki barna- og ungmennabóka:
- Skrímsli í vanda eftir Áslaugu Jónsdóttur, Rakel Hemsdal og Kalle Güettler
- Er ekki allt í lagi með þig? eftir Elísu Jóhannsdóttur
- Fuglar eftir Hjörleif Hjartarson og Rán Flygenring
- Vertu ósýnilegur: Flóttasaga Ishmaels eftir Kristínu Helgu Gunnarsdóttur
- Þitt eigið ævintýri eftir Ævar Þór Benediktsson
Dómnefnd skipuðu Sigurjón Kjartansson, formaður nefndar, Hildigunnur Sverrisdóttir og Anna Þorbjörg Ingólfsdóttir.
Tilnefningar í flokki fræðibóka og rita almenns efnis:
- Málarinn og menningarsköpun: Sigurður Guðmundsson og Kvöldfélagið 1858-1874. Ritstjórar eru Karl Aspelund og Terry Gunnell
- Leitin að klaustrunum: Klausturhald á Íslandi í fimm aldir eftir Steinunni Kristjánsdóttur
- Líftaug landsins: Saga íslenskrar utanlandsverslunar 900-2010. Ritstjóri er Sumarliði R. Ísleifsson
- Undur Mývatns: -um fugla, flugur, fiska og fólk eftir Unni Þóru Jökulsdóttur
- Sjálfstætt fólk: Vistarband og íslenskt samfélag á 19. öld eftir Vilhelm Vilhelmsson
Dómnefnd skipuðu Hulda Proppé, formaður nefndar, Knútur Hafsteinsson og Þórunn Sigurðardóttir.
Tilnefningar í flokki fagurbókmennta:
- Flórída eftir Bergþóru Snæbjörnsdóttur
- Saga Ástu eftir Jón Kalman Stefánsson
- Elín, ýmislegt eftir Kristínu Eiríksdóttur
- Kóngulær í sýningargluggum eftir Kristínu Ómarsdóttur
- Handbók um minni og gleymsku eftir Ragnar Helgi Ólafsson
Dómnefnd skipuðu Helga Ferdinandsdóttir, formaður nefndar, Bergsteinn Sigurðsson og Steingrímur Þórðarson.
Samkvæmt upplýsingum frá Félagi íslenskra bókaútgefenda voru í ár lögð fram 38 verk í flokki fræðibóka og rita almenns efnis; 25 verk í flokki barna- og ungmennabóka og 47 verk í flokki fagurbókmennta.
Veiting hvalveiðileyfis ekki brot á EES-samningi
Sex hafa greinst með listeríu
Gígbarmurinn hækkað frá því í gær
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi
Skemmtiferðaskip hætt komið nærri Viðey
Skar höfuðleðrið af íslenskri konu
„Hvílir mikil leynd yfir þessu öllu“