Kvikmyndaframleiðandinn Harvey Weinstein og eiginkona hans Georgina Chapman áttu tíu ára brúðkaupsafmæli í síðustu viku. Því var ekki fagnað eins og venja er enda Chapman búin að ráða til sín skilnaðarlögfræðing.
Chapman tilkynnti í haust að hún hefði farið frá Weinstein eftir að upp komst um kynferðislegt ofbeldi hans. Chapman á von á hárri summu við skilnað við Weinstein en TMZ komst í kaupmála hjónanna.
Ef þau skilja núna fær Chapman 11,75 milljónir dollara eða rúmlega 1,2 milljarða íslenskra króna samkvæmt útreikningum TMZ. Ef hún hættir við að skilja eða bíður með að skilja hækkar upphæðin hins vegar.
„Ég finn til með öllum þessum konum sem hafa tekist á við miklar kvalir vegna þessara gjörða hans, sem ekki er hægt að fyrirgefa,“ segir Chapman í viðtali við tímaritið People þegar hún sagðist hafa farið frá Weinstein.