Innanríkisráðuneytið í Bretlandi er nú með til skoðunar að lengja afgreiðslutíma kráa í tilefni af brúðkaupi Harrys prins og Meghan Markle. Brúðkaupið verður föstudaginn 18. maí og er nú til skoðunar að leyfa krám að hafa opið til 1 aðfaranótt laugardagsins.

Harry og Meghan munu ganga í hjónaband í St George-kapellunni í Windsor-kastala. 

Innanríkisráðuneytið ætlar að gefa sér fjórar vikur til fara yfir málið. „Hið konunglega brúðkaup verður hátíð allrar þjóðarinnar og við viljum að allir geti gert sem mest úr þessum sögulega viðburði,“ er haft eftir Amber Rudd innanríkisráðherra í frétt Sky-sjónvarpsstöðvarinnar.

Hún segist vonast til þess að lengri afgreiðslutími verði til þess að fólk gleðjist saman.

Kráareigendur taka tillögunum fagnandi.

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt