Fjórar konur verða kynnar á Eurovision, Söngv­akeppni evr­ópskra sjón­varps­stöðva, sem fer fram í Lissabon í Portúgal í maí. Er það u-beygja frá síðustu keppni þegar þrír karlar kynntu framlög Evrópulandanna fyrir áhorfendum í Úkraínu í fyrra.

Filomena Cautela, Sílvia Alberto, Daniela Ruah og Catarina Furtado munu kynna herlegheitin í Portúgal, að því er fram kemur á vefsíðu Eurovision.

Allar eiga þær sameiginlegt að hafa starfað við leiklist í gegnum tíðina. Ruah er sú eina þeirra sem er fædd utan Portúgals en hún fæddist í Boston. Faðir hennar er portúgalskur en móðir hennar er bandarísk og fjölskyldan flutti til Portúgals þegar Ruah var fimm ára gömul.

42 lönd munu taka þátt í keppninni í ár. Rússar munu aftur taka þátt en þeir sniðgengu keppnina í Úkraínu í fyrra. Auk þess munu Ástralar taka þátt í keppninni í fjórða skiptið í röð.

Hinn hjartveiki Sal­vador Sobral bar sigur úr býtum í keppninni í fyrra þegar hann flutti lagið Amar Pel­ors Dois eða Ást fyr­ir tvo.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt