Stóru spurningu gærkvöldsins enn ósvarað
Setja bókamerki
Leikkonan Ally Sheedy mætti ekki á Golden Globe-verlðlaunahátíðina en stal þó senunni. Sheedy setti spurningarmerki við viðveru leikarans og leikstjórans James Francos á verðlaunaafhendingunni á Twitter.
„Af hverju er karlmaður kynnir? Af hverju er James Franco hleypt inn? Sagði of mikið. Góða nótt, elska ykkur,“ tísti Sheedy fyrst en fór þó greinilega ekki að sofa og vakti í næsta tísti athygli á að leikarinn Christan Slater og leikarinn og leikstjórinn Franco sætu við borð.
„James Franco var að vinna. Gerið það ekki spyrja mig af hverju ég sagði skilið við kvikmynda/sjónvarpsbransann,“ skrifaði Sheedy eftir að Franco vann verðlaun fyrir leik sinn í The Disaster Artist en myndinni leikstýrði hann einnig.
Augu Hollywood hafa verið á MeToo-byltingunni og hreyfingu sem er kölluð Time's Up síðan upp komst um kynferðislegt ofbeldi og áreitni í kvikmyndabransanum og var James Franco meðal annars merktur Time's Up á jakka sínum.
Tíst Sheedy virðist þó tengjast byltingunum eitthvað þar sem myllumerkið MeToo fylgdi með einu tístinu. Sheedy er hvað þekktust fyrir hlutverk sitt í The Breakfast Club frá árinu 1985 en Vanity Fair rifjar upp að hún vann með Franco árið 2014 þegar hann leikstýrði henni í Broadway-leikriti. Nokkurra ára gamlar fréttir af samskiptum Francos við 17 ára stúlku fóru einnig á flug í gærkvöldi.
Margir klóra sér nú í hausnum eftir tíst Sheedy og vilja fá frekari útskýringu á ummælum hennar en tístunum þremur var seinna eytt af Twitter.
„Á réttri leið en nokkuð í land ennþá“
Tóku upp hanskann fyrir leikskólabörn
Árshátíð ríkislögreglustjóra haldin í Tékklandi
Hönnun sem bætir líf manna
Verðbólgan komin niður í 6%
Moses Hightower og Prins Póló gefa út eyjalag
Bifreið ekið á skrifstofu Útlendingastofnunar