Neitaði að samþykkja Christopher Plummer
Setja bókamerki
Leikarinn Mark Wahlberg er sagður hafa neitað að samþykkja að Christopher Plummer tæki við hlutverki Kevin Spacey í All the Money in the World nema hann fengi yfir eina milljón dollara fyrir leik sinn fyrir endurupptökurnar.
Fréttir bárust af því í vikunni að Mark Wahlberg hefði fengið eina og hálfa milljón dollara fyrir endurleik sinn í All the Money in the World á meðan mótleikkona hans, Michelle Williams, hafi fengið innan við 1.000 dollara.
USA TODAY segir frá því að Wahlberg hafi nýtt sér ákvæði í samningi sínum þess efnis að hann þyrfti að samþykkja alla mótleikara sína. Annar heimildamaður segir að lögfræðingur Wahlberg hafi neitað að Plummer tæki við hlutverkinu þangað til launakröfunum yrði mætt.
Williams sem fékk lítið borgað fyrir endurupptökurnar lýsti því yfir áður en málið kom upp að hún hefði verið til í að fórna laununum sínum fyrir endurupptökurnar.
All the Money in the World átti að skarta Kevin Spacey í einu af aðalhlutverkunum en eftir að upp komst um kynferðisleg hneykslismál hans var ákveðið að taka upp atriði Spacey aftur með Plummer.
Gígbarmurinn hækkað frá því í gær
Kostnaður meiri en milljón á fermetra
Skemmtiferðaskip hætt komið nærri Viðey
Skar höfuðleðrið af íslenskri konu
Tveir í bílnum sem lenti utan vegar
Veiting hvalveiðileyfis ekki brot á EES-samningi
Skiptir miklu meira máli en fólk grunar
Telur forsendur fyrir vaxtalækkun