Það vottaði fyrir kaldhæðni í orðum leikkonunnar Oliviu Munn, gestgjafa Critics Choice-verðlaunanna, þegar hún skálaði fyrir „góðu gæjunum“ ásamt leikkonunni Niecy Nash á verðlaunaafhendingunni í gær.
Verðlaunahátíðavertíðin er að byrja og er þetta önnur hátíðin í vikunni þar sem fast er skotið á karlmenn í bransanum. Vildi hún þakka góðu gæjunum í Hollywood sem héldu fundi í fundarherbergjum í stað hótelherbergja.
„Ég vil þakka framleiðendunum fyrir að borga mér og Niecey sömu upphæðina og Mark Wahlberg milljón dollara,“ sagði Munn og skaut þar á þá frétt að laun leikarans Marks Wahlbergs hafi verið langtum hærri en laun mótleikkonu hans, Michelle Williams, fyrir endurupptöku All the Money in the World.