Leonardo DiCaprio mun fara með hlutverk í mynd um fjöldamorðingjann Charles Manson í mynd leikstjórans Quentins Tarantinos. Síðast unnu þeir félagar saman í Django Unchained frá árinu 2012.
Variety greinir jafnframt frá því að Margot Robbie muni fara með hlutverk leikkonunnar Sharon Tate. Manson var dæmdur til dauða sem síðar var breytt í lífstíðarfangelsi fyrir meðal annars að myrða Tate, sem var þá gengin nánast fulla meðgöngu.
Fleiri stjörnur eru nefndar til leiks en Tarantino er sagður hafa áhuga á Tom Cruise og Al Pacino.