Leikkonan og Íslandsvinurinn Lindsay Lohan hefur tekið upp á ýmsu eftir að hún hætti að einbeita sér að kvikmyndaleik. Nú býr hún í Dúbaí og segist vera í viðræðum um að hanna sína eigin eyju þar.
Eyjan er ein af World Island við Dúbaí en það er manngerður eyjaklasi sem saman myndar eins konar mynd af heimskorti. Samkvæmt E! ætlar Lohan að nefna eyjuna Lohan Island.
Ef áætlanir Lohan ganga upp verður eyjan ekki það eina sem ber eftirnafn leikkonunnar en hún á skemmtistað í Aþenu sem heitir Lohan Nightclub. Hún ætlar ekki að láta þar við sitja en hún stefnir að því að opna annan stað á grísku eyjunni Mykonos.