Fréttir bárust af því í gær að söngkonan Dolores O'Riordan úr írsku rokkhljómsveitinni The Cranberries væri látin 46 ára að aldri. Stjörnurnar hafa minnst söngkonunnar með hlýhug.
Tónlistarmaðurinn og Íslandsvinurinn Ronan Keating sagði á Twitter-síðu sinni að hann væri áfalli og minntist O'Riordan fyrir hæfileika hennar og fyrir að vera falleg manneskja.
Spjallþáttastjórnandinn James Corden minntist þess að hafa hitt hana þegar hann var bara 15 ára. Hann sagði hana hafa verið góða og yndislega en hann fékk eiginhandaáritun hjá henni aftan á lestarmiða sinn.
Hljómsveitin goðsagnakennda Duran Duran segist einnig vera miður sín yfir að hafa heyrt af fráfalli söngkonunnar.
Tónlistarmaðurinn Hozier segist vera í áfalli og vera sorgmæddur yfir fréttunum. Hann sagði það hafa verið ógleymanlega stund þegar hann heyrði rödd söngkonunnar í fyrsta sinn.