Veep-leikkonan Julia Louis-Dreyfus vann í gær verðlaun á SAG-verðlaunahátíðinni (Screen Actors Guild Awards) fyrir hlutverk sitt sem Selina Myer í Veep. Ólíkt flestum verðlaunahöfum mætti leikkonan ekki til þess að taka á móti verðlaunum.
Í stað þess að klæðast galakjól á rauða dreglinum fylgdist leikkonan með afhendingunni heiman frá sér á náttfötunum.
Eftir að verðlaunin voru afhent tísti leikkonan því að hún hefði viljað geta mætt á verðlaunin. Það væri heiður að vinna og hún gleddist yfir því að leikarahópur Veep vann í flokki leikarahópa í grínþáttaröð.
Í september tilkynnti Louis-Dreyfus að hún væri með brjóstakrabbamein en hún lauk lyfjameðferð fyrir tæpum tveimur vikum.
I wish I could have been @SAGawards tonight but have to admit it's pretty fun to watch in my pj's. So honored to win. So proud to be a union member. So happy for my @VeepHBO bozos for winning ensemble award. Miss being at the table with you all. How was the chicken?
— Julia Louis-Dreyfus (@OfficialJLD) January 22, 2018