Disney-goðsögnin Mína mús fékk stjörnu á Hollywood Walk of Fame í Hollywood í gær, mánudag. Stjarnan sem Mína fékk á stéttina var númer 2.627.
Mína er búin að bíða lengi eftir stjörnu á stéttina en fékk hana loksins núna þar sem hún fagnar 90 ára afmæli í ár. Kynjamisréttið á sér margar birtingamyndir en Mikki mús félagi Mínu fékk sína stjörnu fyrir 40 árum.
Söngkonan Katy Perry talaði fallega um Mínu mús við athöfnina og klæddi sig í doppótt í stíl við Mínu.