Netflix þurfti að afskrifa fjóra milljarða á fjórða ársfjórðungi síðasta árs. Ástæðan var efni sem ákveðið var að halda ekki áfram með í framleiðslu. David Wells, fjármálastjóri Netflix, segir ástæðuna tengjast kynferðislegum hneykslismálum.
Samkvæmt Variety greindi Walls ekki nákvæmlega frá hvaða efni þetta var en flestir erlendir miðlar gera ráð fyrir að um sé að ræða efni sem tengist leikaranum Kevin Spacey. Spacey var sakaður um kynferðislega áreitni í haust og eru mál hans í rannsókn hjá bresku lögreglunni.
Kevin Spacey hefur undanfarin ár leikið í House of Cards, einum vinsælasta þætti Netflix. Einnig var áætlað að hann færi með hlutverk rithöfundarins Gore Vidal í mynd um rithöfundinn.