Leikkonan Meryl Streep hlaut tilnefningu til Óskarsverðlaunanna í 21 sinn í gær fyrir fyrir hlutverk sitt í The Post. Með tilnefningunni sló hún met í fjölda tilnefninga en hún hefur slegið sitt eigið met í yfir tíu ár.
Í ár fékk hún tilnefningu fyrir besta leik í aðalhlutverki en hún hefur oftast fengið tilnefningu í þeim flokki. Fjórum sinnum hefur hún fengið tilnefningu fyrir aukahlutverk.
Streep á langflestar tilnefningar en á eftir henni koma Katharine Hupburn og Jack Nicholson bæði með 12 tilnefningar. Þrátt fyrir tilnefningarnar á hún ekki flest verðlaunin. Hupburn vann styttuna eftirsóttu fjórum sinnum en þau Streep og Nicholson hafa þrisvar sinnum farið heim með verðlaunin. Streep gæti því jafnað árangur Hepburn í ár.
Streep sendi frá sér yfirlýsingu í gær þar sem hún sagði það vera mikinn heiður að vera tilnefnd fyrir mynd sem hún elski, mynd sem stendur vörð um fjölmiðlafrelsi og veitir röddum kvenna í sögunni athygli.