Leikkonan og Disney-stjarnan Bella Torne skemmti sér ef til vill aðeins of vel á Sundance-kvikmyndahátíðinni sem gerði það að verkum að henni og félögum hennar var hent út af Mariott-hótelinu sem hún var stödd á.
Ástæðan fyrir því að leikkonunni, kærasta hennar og öðru fylgdarliði var gert að yfirgefa hótelið var sú að einhver af þeim var að reykja marijúana á hótelherberginu samkvæmt Page Six.
Thorne sem er bara tvítug var á kvikmyndahátíðinni til þess að kynna kvikmyndina Assassination Nation sem hún leikur í. Stjarnan hefur þó ekki getað sinnt kynningarstörfum eins og til stóð þó svo hún geti látið henda sér út af hóteli. Á hún að hafa hringt sig inn veika á mánudaginn og hætt við allt sem hún átti að gera um morguninn.