Ísland tekur þátt í fyrri undankeppninni í Söngvakeppni evrópskra sjónvarpsstöðva sem fram fer í Portúgal en dregið var um það nú fyrir stundu. Framlag Íslands verður flutt þriðjudaginn 8. maí. Seinni undankeppnin fer fram tveimur dögum síðar og sjálft úrslitakvöldið í Lissabon verður 12. maí.

43 þjóðir taka þátt í ár, 19 þeirra í fyrri undankeppninni og 18 í seinni. Sex þjóðir taka ekki þátt í undankeppninni en það eru Frakkland, Þýskaland, Ítalía, Spánn, Bretland og svo sigurþjóðin frá því í fyrra, Portúgal.

Auk Íslands munu atriði frá Hvíta-Rússlandi, Búlgaríu, Litháen, Albaníu, Tékklandi, Belgíu, Aser­baíd­sj­an, Ísrael, Eistlandi, Sviss, Finnland, Austurríki, Írlandi, Armeníu, Kýpur, Króatíu, Grikklandi og Makedóníu stíga á svið á fyrra undankvöldinu í Lissabon.

Íslenska undankeppnin framundan 

Tólf lög hafa verið val­in til þátt­töku í undankeppninni hér heima. 

Keppn­in í ár verður með svipuðu sniði og und­an­far­in ár. Undanúr­slit fara fram í Há­skóla­bíói laug­ar­dag­ana 10. og 17. fe­brú­ar, en í hvorri keppni stíga sex flytj­end­ur á stokk. Þeir þrír flytj­end­ur sem hljóta flest at­kvæði í síma­kosn­ingu í hvorri keppni fara svo áfram í úr­slita­keppn­ina, sem verður haldin í Laugardalshöll 3. mars.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• Blogga um frétt