Jón Gnarr mun fara með hlutverk Sigurjóns Digra í söngleiknum Slá í gegn sem frumsýndur verður í Þjóðleikhúsinu í febrúar. Um er að ræða íslenskan söngleik þar sem leikarar, dansarar og sirkuslistamenn fara á kostum.
Guðjón Davíð Karlsson, Gói, semur söngleikinn sem gerist í litlu byggðarlagi á Íslandi. Þegar framsækinn draumóramaður mætir á svæðið með nýja sirkusinn sinn, ásamt fjölskyldu sinni og litríkum hópi sirkuslistafólks, hleypur nýtt blóð í leikfélagið á staðnum. Nú er loksins komið almennilegt tækifæri til að láta ljós sitt skína og slá ærlega í gegn!
Ástæðan fyrir því að Jón Gnarr tekur þetta hlutverk á síðustu stundu er að Eggert Þorleifsson átti að fara með það en þar sem hann er upptekinn við að leika Föðurinn kemur Jón í hans stað.