Vilhjálmur Bretaprins og Katrín hertogaynja hófu fjögurra daga opinbera heimsókn sína til Svíþjóðar og Noregs með því að heimsækja bandílið í Stokkhólmi í dag, þriðjudag. 

Hertogahjónin voru vel dúðuð á svellinu og sýndu bandíleikmönnunum mikinn áhuga. Hjónin reyndu fyrir sér í íþróttinni með ágætisárangri eins og sést á meðfylgjandi myndum.

Ólíkt leikmönnunum létu þau Vilhjálmur og Katrín skautana vera og var rauður dregill lagður út á svellið fyrir kóngafólkið.