Lögreglan í Flórída handtók karlmann sem hótaði því að ræna söngkonunni Lönu Del Ray. Hann var með hníf á sér er hann var handtekinn í Orlando en þar átti söngkonan að koma fram skömmu síðar.
Lögreglan segir manninn heita Michael Hunt og vera 43 ára. Hann á yfir höfði sér ákæru vegna hótananna og fyrir að leggja á ráðin um vopnað mannrán.
Maðurinn var handtekinn á föstudag en sagt var frá málinu í gær.
Lögreglan segist hafa fengið ábendingu á föstudag um að maðurinn ætlaði að láta verða af því að ræna Del Rey. Hann er enn í varðhaldi.
ARRESTED: Michael Hunt, for aggravated stalking & attempted kidnapping w/a weapon.
— Orlando Police (@OrlandoPolice) February 3, 2018
After receiving a tip we deemed a credible threat, OPD got to him before he could get near singer Lana Del Rey last night at her show at Amway Center. pic.twitter.com/twVrOSxNqF