Kylie Jenner eignaðist „heilbrigða og fallega stúlku“ 1. febrúar. Þessu greinir hún frá á Instagram í dag. 

Í færslunni segir hún óléttuna hafa verið það magnaðasta sem hún hafi nokkru sinni gengið í gegnum. Meðgangan hafi breytt öllu hennar lífi. Segist hún í raun eiga eftir að sakna þess að vera ólétt. 

„Ég er þakklát vinum mínum og sérstaklega fjölskyldu minni fyrir að halda þessu augnabliki utan sviðsljóssins eins og mögulegt er. Fallega og heilbrigða stúlkan mín kom í heiminn 1. febrúar. Og ég gat bara ekki lengur beðið með að deila því með ykkur. Ég hef aldrei fundið svo mikla ást og hamingju. Ég gæti sprungið!“

Jenner er tvítug og er yngsta systir Kardashian-systranna frægu. Hún er fyrirsæta, raunveruleikasjónvarpsstjarna og selur sínar eigin snyrtivörulínu. 

Kærastinn heitir Travis Scott og er þetta fyrsta barn þeirra beggja.

Kim Kardashian eignaðist einnig barn í ár með aðstoð staðgöngumóður. Þá á Khloé Kardashian, elsta systirin, einnig von á barni innan nokkurra vikna.

Jenner birti einnig myndskeið á YouTube í dag sem segir í myndum frá meðgöngunni og fæðingunni. Myndskeiðið má sjá hér að neðan. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt