Ari Ólafsson flytur lagið Heim með í Söngvakeppninni 2018. Á ensku kallast lagið Our Choice og er nú komið út myndband við ensku útgáfuna. Í síðustu viku kom út myndband við íslensku útgáfuna svo nú hefur Ari gert tvö myndband ásamt teyminu sem stendur á bak við lagið. 

Þórunn Erna Clausen samdi lagið og textana bæði á ensku og íslensku. Það var hins vegar Arnór Pálmi Arnarson sem leikstýrði meðal annars Áramótaskaupinu 2017 sem leikstýrði myndbandinu. Thómas Marsall sá síðan um myndatökuna. 

„Hann tók meðal annars upp nýjasta myndband Bjarkar Guðmundsdóttir sem er algjört listaverk. Þessir tveir eru algjörir snillingur og frábært að fá tækifæri til að vinna með svona hæfileikaríku fólki,“ segir Þórunn Erna. 

„Myndbandið er allt tekið í einu skoti sem er virkilega krefjandi en ótrúlega skemmtilegt.  Það lá oft við að við myndum verða fyrir bíl, eða rekast utan í ljósastaura, en allt þarf að ganga til að takan gangi upp í heildina. Í einhver skipti vorum við næstum búin að ná þessu öllu og þá á síðustu sekúndunni keyrði akkúrat bíll inn í skotið og við misstum af loka augnablikinu þannig og þá þurfti að taka allt upp á nýtt,“ segir Þórunn Erna um upptökuferlið.  

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt