Veröld/Fólk
| mbl
| 13.2.2018
| 22:00
Mætt á völlinn fimm mánaða
Tennisstjarnan Serena Williams er komin aftur út á tennisvöll eftir að hún eignaðist barn í september síðastliðnum og gifti sig í nóvember. Fimm mánaða gamla dóttir hennar og redit-stofnandans Alexis Ohanian fylgist að sjálfsögðu með móður sinni úr stúkunni.
Um helgina keppti Serena ásamt systur sinni Venus Williams í tvíðiðaleik. Hin litla Alexis Olympia mætti með föður sínum bæði á laugardaginn og sunnudaginn. Hún virtist una sér vel í stúkunni miðað við myndir sem teknar voru af henni og var með fulla athygli. Hvort athyglin hafi verið á tennisboltanum eða öðru fólki í stúkunni er ekki hægt að segja til um.
Serena Williams í stúkunni en fyrir ofan hana eru eiginmaður hennar Alexis Ohanian og dóttir Alexis Olympia.
AFP