Aniston og Theroux hætt saman

Leikararnir Jennifer Aniston og Justin Theroux eru hætt saman eftir tveggja og hálfs árs hjónaband. Samtals hafði parið verið saman í sjö ár.

Í yfirlýsingu vegna málsins segja Anstin og Theroux að ákvörðunin hafi verið tekin í sameiningu við lok síðasta árs, samkvæmt fjölmiðlum vestanhafs.

„Við vildum koma fram og segja frá þessu vegna þess að slúðurmiðlar geta farið á flug og skrifað alls konar hluti,“ kom fram í yfirlýsingu. „Allt sem er prentað sem kemur ekki beint frá okkur er þvæla.“

Fyrrverandi hjónin höfðu eytt töluverðum tíma hvort í sínu lagi síðustu mánuði en oft sást til Theoroux í New York, fjarri heimili þeirra í Los Angeles.

Tilkynningin er send út nokkrum dögum eftir 49 ára afmæli Aniston.

• Blogga um frétt